 
|
|
|
Web provisoria da ANOVA - Irmandade Nacionalista, constituída o pasado sábado 14 de xullo en Compostela e recollendo logo de 223 anos os ideais de liberdade, fraternidade e igualdade da Revolución Francesa.
A toxicidade en persoas e fauna das fumigacións aéreas da Xunta
Liga Estudantil Galega
Interesante artigo de Boaventura de Sousa Santos
Grupo de Traballo de Mocidade do EI
29/12/2011
Como ben sabedes para o Encontro a posibilidade de que o BNG se converta nese referente político que a sociedade galega precisa con urxencia pasa por unha auténtica refundación por iso falamos nas nosas teses dela como un proceso:
“A refundación, a constitución dunha unidade nacionalista incluínte, non remata
no acto de clausura dunha asemblea nacional exitosa. A refundación é unha
andaina a continuar inmediatamente despois abrindo un proceso de inclusión
que incorpore a todos os grupos e sectores sociais que asuman os principios
políticos da fronte.”
Para nós unha fonte principal de militancia para esa refundación e apertura á sociedade son os militantes, homes e mulleres nacionalistas que deixaron, ou lles fixeron deixar, o BNG anoxados ou excluídos por políticas sectarias que a UPG levou a cabo para conquerir maiorías mecánicas para afortalar o seu control na organización. Poderíamos poñer como exemplo as movidas de censos previas á elección das listas das municipais nas cidades en 2010.
Cando tras a baixada de votos nas municipais se creou unha comisión para ver que era o que lle pasa ao BNG chegáramos á conclusión de que era preciso un proceso de rexeneración que permitise a reafiliación e a integración de moitos nacionalistas que estaban fora da fronte.
Hoxe, en pleno proceso preasemblear estamos vendo que hai comarcas nas que non se están dando altas a antigos militantes do BNG -algúns deles dados de baixa pola propia organización é dicir por vontade máis ou menos lexítima do BNG pero en contra dos interesados-, aos que agora para reafiliarse, e poder asistir á asemblea e poder participar na rexeneración do BNG, estáselles pedindo que paguen cotas como militantes do BNG -desde que o propio BNG os puxo fóra-, en moitos casos dende preto de dous anos supoñendo unhas cantidades imposíbeis de pagar por moito interese que teñas en asistir.
Isto é un incumprimento grave do acordado para posibilitar a reintegración de efectivos excluídos, á vez que é un mal sinal de que tipo de apertura á sociedade pode facer un BNG controlado pola UPG.
Se somos incapaces de abrirnos a quen foron compañeiros ate ben pouco que imos facer cos demais?
Envía o teu comentario
Podes enviarnos o teu comentario ao respecto desta información. Evita o uso de ...
04/01/2012 A ver si de unha vez por todas en esta asamblea facemoslle ver a UPG ,que non somos afiliados se non militantes, Ou todos dentro ou todos fora pero non meta e meta
31/12/2011 Os que estamos fóra agardando polo EI deberíamos ir dentro botarlle unha man para gañar a batalla no BNG. Aos impacentes que están a agardar polo EI sen facer nada eu diríalles que comecen a facer algo fóra así o EI poderá aportar o seu caudal a algo máis que a nacionalistas espectantes. Eu xa me apuntei ao BNG e non tiven problemas se cadra porque son nova na afiliacióne on estou baixo sospeita.
31/12/2011 O problema é quen decide quen debe e quen non debe, porque no sempre coinciden as contas, e os que quedan fora son sempre dun lado. O acordado é que poidan participar todos os que se afilien de novo pagando dende setembro e a cota da asemblea. Os militantes teñen que ter as cotas ao día pero non pode ser que se lle pida a unha persoa que leva "botada", non marchada voluntariamente, que pague as cotas dos meses que non foi miitante. E iso é o que está a contecer. En calquera caso é así, con esas burocratadas como pensa a UPG manter o control do BNG? Esa é a pregunta de verdade.
31/12/2011 Pedir que alguén pague o que debe é excluír? Eu síntome cada vez máis próximo a EI mais demonizar deste xeito á UPG é, case, gratuito. De tódolos xeitos, adiante EI (dentro ou fóra do BNG, aínda que mellor dentro).
31/12/2011 Pero vaise dar a derradeira batalla, iso decidiu o EI nas asembleas do encontro, abertas a toda persoa que quixese participar, tamén, por suposto, de fóra do BNG.
31/12/2011 O grave parece que e que a U non estea soa xa no BNG. Esperamos polo Encontro fora, pero non eternamente...
30/12/2011 Aqui escribimos o que pensamos, xente que está no BNG e xente que xa non cree no BNG , probas xa temos moitas e moi graves , do que sucede no BNG e por encima do BNG está GALIZA . Saude e Terra
30/12/2011 O grave é o que está a suceder cos censos, en especial as cafradas na organización Galiza Nova. É de patriotas galegos, precisamente, denunciar que uns cantos se están a apropiar da organización que é de TOD@S!!!
30/12/2011 Os partidos políticos integrados por xente máis ou menos normal tratan de mimar aos seus afíns ideolóxicos como se lles fora a vida nelo, e desa base quasi-sagrada pásase a atraer electores de todo o espectro social. Pero no BNG temos superavit de "controladores aereos" con moito tempo libre para recibir consignas e mangonear polas asambles fan todo o contrario: queimar terreo propio e coidar que non volva a crecer a herba. Imponse coma unha tarefa xa se supervivencia facer que volva a ser unha forza normal, un BLOQUE, máis non unha pedrada na crisma dos que non orbiten ao redor do fouciño amartelado en espiral sobre si mesmos.
30/12/2011 Como militante do BNG párecenme moi grave as cousas que se están a verter ,sen fundamento nin probas, sobre a organización nesta bitácora, se o que se pretende é facer o maior dano posibel ao BNG estádelo facendo de cine.
